Dros 50 mlynedd yn ôl, gwnaethom addewid fel Gofal Canser Tenovus i ddarparu cymorth i bobl sy’n cael eu heffeithio gan ganser, i gynnig gobaith iddyn nhw beth bynnag a ddaw.
Diolch i bobl anhygoel fel chi, mae’r gwaith hwnnw yn parhau heddiw drwy driniaeth, gofal a chymorth am filoedd o bobl bob blwyddyn lle a phan fod eu hangen.
Chi sydd wrth galon popeth rydym yn ei gyflawni. Er mwyn cydnabod hyn, rydym wedi cofrestru â’r Rheoleiddiwr Codi Arian i sicrhau bod eich profiad ohonom o’r safon uchaf posib. Rydym hefyd yn aelod o’r Sefydliad Codi Arian Siartredig.
Mae ein Tîm Codi Arian cyfeillgar ar gael i ateb unrhyw gwestiynau sydd gennych ac rydym wir yn gwerthfawrogi'ch adborth. Os oes gennych gwestiynau ynghylch ein haddewid neu faterion codi arian, anfonwch ebost atom fundraising@tenovuscancercare.org.uk neu ffonio 029 2076 8850.
Os oes gennych bryderon neu gwestiynau am ganser, ffoniwch ein Llinell Gymorth rhadffôn ar 0808 808 1010.
Byddwn yn ymrwymo i safonau uchel
- Byddwn yn dilyn y Cod Ymarfer Codi Arian.
- Byddwn yn monitro codwyr arian, gwirfoddolwyr a thrydydd partïon sy'n gweithio gyda ni i godi arian, i sicrhau eu bod nhw'n cydymffurfio â'r Cod Ymarfer Codi Arian a'r Addewid hon.
- Byddwn yn cydymffurfio â'r gyfraith fel y bo'n gymwys i elusennau a chodi arian.
- Byddwn yn arddangos y bathodyn Rheoleiddiwr Codi Arian ar ein deunyddiau codi arian i ddangos ein bod wedi ymrwymo i arferion da.
Byddwn yn glir, yn onest ac yn agored
- Byddwn yn dweud y gwir ac ni fyddwn yn gor-ddweud.
- Byddwn yn gwneud yr hyn y dywedwn y byddwn yn ei wneud gyda'r rhoddion a gawn.
- Byddwn yn glir ynghylch pwy ydym ni a beth rydym yn ei wneud.
- Byddwn yn rhoi esboniad clir o sut y gallwn wneud rhodd a newid rhodd reolaidd.
- Os gofynnwn i drydydd parti godi arian ar ein rhan, byddwn yn gwneud y berthynas hon a'r trefniadau ariannol yn dryloyw.
- Byddwn yn gallu esbonio ein costau codi arian a dangos sut maent er lles gorau ein hachos os caiff eu herio.
- Byddwn yn sicrhau bod ein proses gwyno yn glir ac yn hygyrch.
- Byddwn yn rhoi rhesymau clir, seiliedig ar dystiolaeth am ein penderfyniadau am gwynion.
Byddwn yn barchus
- Byddwn yn parchu eich hawliau a'ch preifatrwydd.
- Ni fyddwn yn rhoi gormod o bwysau arnoch i wneud rhodd. Os nad ydych am roi neu rydych am roi'r gorau i roi, byddwn yn parchu'ch penderfyniad.
- Bydd gweithdrefn gennym yn ei le ar gyfer delio â phobl mewn amgylchiadau agored i niwed a bydd ar gael ar gais.
- Os yw'r gyfraith yn ei gwneud hi'n ofynnol, byddwn yn ceisio eich cydsyniad cyn cysylltu â chi i godi arian.
- Os dywedwch wrthym nad ydych am i ni gysylltu â chi mewn ffordd arbennig ni fyddwn yn gwneud hynny. Byddwn yn gweithio gyda'r Gwasanaeth Dewis Galwadau Ffôn, Post a Chodi Arian i sicrhau nad yw'r rhai sy'n dewis peidio â derbyn mathau penodol o ddogfennau cyfathrebu yn eu cael.
Byddwn yn deg ac yn rhesymol
- Byddwn yn trin rhoddwyr a'r cyhoedd yn deg, gan ddangos sensitifrwydd ac addasu ein hymagwedd yn dibynnu ar eich anghenion.
- Byddwn yn gofalu i beidio â defnyddio unrhyw ddelweddau neu eiriau sy'n achosi gofid neu bryder yn fwriadol.
- Byddwn yn gofalu i beidio ag achosi niwsans neu amharu ar y cyhoedd.
Byddwn yn atebol ac yn gyfrifol
- Byddwn yn rheoli ein hadnoddau mewn modd cyfrifol ac yn ystyried effaith ein codi arian ar ein rhoddwyr, ein cefnogwyr a'r cyhoedd.
- Os ydych yn anhapus gydag unrhyw beth rydym wedi'i wneud wrth godi arian, gallwch gysylltu â ni trwy wneud cwyn. Byddwn yn gwrando ar adborth ac yn ymateb yn briodol i'r cwynion a'r feirniadaeth a gawn.
- Bydd trefn gwyno gennym, a bydd copi ohoni ar gael ar ein gwefan neu bydd ar gael ar gais.
- Bydd ein trefn gwyno yn rhoi gwybod i chi sut i gysylltu â'r Rheoleiddiwr Codi Arian os teimlwch fod ein hymateb yn anfoddhaol.
- Byddwn yn monitro ac yn cofnodi nifer y cwynion a gawn bob blwyddyn ac yn rhannu'r data hwn gyda'r Rheoleiddiwr Codi Arian ar gais.